Ezker Anitza-IU Debagoienak berretsi du azken bi hilabeteetan gutxienez lau istripu izan direla Arrasateko saihesbidean, 35. kilometro inguruan, azkena gaur goizean. "Hori dela eta, informazioa eskuratu gura dugu, istripu horiek zerk eragiten dituen eta puntu hori istripu ugariko gune moduan kontsideratuta dagoen jakiteko".
Era berean, Ezker Anitza-IU Debagoienak Gipuzkoako Foru Aldundiari eskatu dio neurriak har ditzala inguru horretako segurtasuna hobetzeko, "istripu gehiago egon ez daitezen eta erabiltzaile guztien segurtasuna bermatuta egon dadin".
