Bestalde, martxan dute Eskolako Agenda 2030 proiektua, zeinak garapen iraunkorreko hemezortzi helburuak lortzea bilatzen duen. Aurten, herriko ikastetxeek horrela aukeratuta, hamaikagarren helburua landuko dute: hiri eta komunitate jasangarriak. "Horretan hasiak gara dagoeneko, Lehen Hezkuntzako seigarren mailako ikasleekin, Arrasate jasangarriak izan behar dituen ezaugarriak aztertzen: inklusiboa izan behar da, inor atzean ez uzteko; segurua izan behar da, ahalik eta arrisku gutxien hartzeko; erresilientea ere bai, ezbeharrei aurre egiteko gaitasuna izateko, eta jasangarria, etorkizuneko belaunaldien beharrak kaltetuko ez dituena".
Halaber, Arrasate jasangarria izateko moduak zeintzuk izan daitezkeen jaso gura dute, eta galdetegi bat ere badute horretarako.