Egoitza berria martxan egongo da 2021eko azken hiruhilekorako. Hala aurreikusten du, behintzat, Lanbidek. 603 metro karratuko bulegoa izango da eta hemeretzi langile ariko dira.
"Elma eraikinean zerbitzu guztiak solairu bakarrean eskaini ahal izango ditugu, beheko solairuan, gainera, eta langile guztiak elkarrekin egon ahal izango dira, bai Lanbidekoak eta baita SEPEkoak ere (Espainiako Enplegu Zerbitzu Publikoa)", azaldu dute Lanbideko ordezkariek.
Goian, udal zerbitzuak
Beheko solairuan sarrera bat egokitzen ari dira, goiko solairuetarako sarbidea ahalbidetzeko. Gogoratu behar da 2019ko udal hauteskundeetan EAJren proiektuetako bat izan zela Elma erabiltzea "herritarren tramitazioak errazteko gune" gisa, eta Udal Gobernuak azaldu du horretarako lanean ari dela.