Orain, proiektua idazten ari dira udal teknikariak. Udalaren asmoa da proiektua gauzatzeko lizitazioa 2021eko azken hiruhilekoan egitea, eta parkea eraikitzen 2022ko hasieran hastea. Lanek 4 hilabete iraungo lukete. Aurreikusitako aurrekontua 200.000 € ingurukoa da. Behin betiko inbertsioa lizitazioaren emaitzaren araberakoa izango da.
Udalak azaldu duenez, ezaugarri horiek dituen lehenengo gunea izango da Arrasaten, "norbanakoaren mugitzeko gaitasunean oinarritutako lehen parkea". Eraikuntza berri horren bidez, Obenerreka osorik biziberrituko dela gaineratu du, "aisialdirako eta kirolerako gune gisa".
Obenerrekako frontoiaren alboan egingo du Udalak parkea.
