San Felipetik azaldu dutenez, ziurtagiri horiek hileta-zerbitzu guztiak emateko lortu dira, besteak beste, beilatokiko zerbitzua, hildakoaren egokitzapena eta nazioko eta nazioarteko lekualdaketak. "Horrela, Ojanguren Ehorztetxea ziurtagiri horiek lortu dituen sektoreko lehen erakundea izango da Debagoienean, eta, beraz, gure eskualdeko zerbitzuaren kalitatearen erreferente izango da", gaineratu dute.
Biharko saioari dagokionez, lehenik, Sergio Garcia aholkulari espezializatuak aurreko arauek ezarritako baldintzak azalduko ditu. Ondoren, Ojanguren Ehorztetxeak ziurtagiri horiek bere zerbitzuetan eta lotutako instalazioetan duten eraginaz ariko dira, "Arrasaten San Feliperen beilatoki berri bat diseinatu eta martxan jartzeko".
Izena eman behar da
Leku kopurua mugatua izango denez, izena eman beharko da, 943 77 30 22 telefonora deituz edo lokalean eta bulegoan, 11:00-13:00 eta 17:00-19:00 ordutegian.
