Bideak hartzen dituzten sasiak eta beste landaredi mota batzuk kenduko dituzte, ibiltarien eta txirrindularien segurtasuna bermatzeko helburuarekin. "Gainera, jatorri antropikoko hondakinak kenduko dira, plastikoak edota bestelako hondakinak". Era berean, 1.500 metro karratuko sastrakak moztuko dituzte, iturriak eta ibilbidean interesa duten beste elementu batzuk gaitzeko, informazio-panelak eta seinaleak, esaterako.
Udalak nabarmendu duenez, Udalatxeko gailurrera igotzeko hainbat aukera daude, hala nola landa-auzoetako ibilbideak, Udalatx mendiko bidezidorrak edo homologatutako hainbat ibilbide, guztiak ere Natur Ibilbideen Sarearen barruan jasoak, "eta guztiak dira egokiak udalerriak eskaintzen duen balioaz eta paisaia naturalaz gozatzeko". Hain zuzen, "balio natural" hori bultzatzeko egingo ditu mantentze lanak.