80 zabor poltsa handi bete dituzte baso-erreka langileek, eta batez ere plastiko-hondakina izan dela nabarmendu du Udalak, egur eta burdin zatiak ere batu dituzten arren. "Urte sasoi honetan erreka hazita dator eta aurrerago egingo da garbiketa sakonago bat ubideko zaborra ere ateratzeko, beti ere langileen segurtasuna bermatuz".
Deba eta Aramaio erreken ubidean eta ertzetan pilatzen den zaborraren bilketa egin du Udalak, "bertako zuhaixkak eta zuhaitzak mantenduz". Zehazki, Deba errekan, Etxaluzeko eraikinetik San Isidro Elizaren tartean eta Aramaio errekan, Maalako errotondako zubitik Mankomunitateko eraikinaren tartean gauzatu da lanketa.
Zazpi udal baso-erreka langile aritu dira lanean, "zeinak Lanbideren laguntzarekin kontratatuak izan diren 2020-21 Enplegu Planaren baitan".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.