Azaroan, Udalak jakinarazi duenez, konponketa lanen aurrekontua eskatu zion tokiko enpresa bati. "Enpresak aurrekontua bidali zuen, eta lanak hilabeteko epean egiteko konpromisoa hartu zuen. Udalak lanen kostuaren aurrerapen bat izapidetu zuen, abal bidez bermatua, materialaren erosketa egiteko".
Enpresak abendu erdialdean jakinarazi zuen exekuzioa abenduaren amaierara arte atzeratuko zela, eta urtarrilaren 11n hasiko zituztela lanak. Hala ere, atzeratu egin da konponketa. Hori dela eta, Udalak azaldu du zerbitzua lehenbailehen berrezartzeko konpromisoa hartu duela eta barkamena eskatu die herritarrei zerbitzurik ez izateagatik.