Ia 30 urte espetxean egon ostean, azaroaren 23an geratuko da aske Josu Arkauz euskal preso arrasatearra, senideek baieztatu dutenez. Duela hilabete lekualdatu zuten Murtziatik Valladolidera, aske geratzeko hilabeteren faltan.
Familiak gutun bidez azaldu du "pentsatze hutsak barrenak mugitzen" dizkiela. "Emozio eta sentimendu ugarik zeharkatzen digute gorputza", dio idatziak.
1991ko martxoaren 20an atxilotu zuten Arkauz, Frantzian, eta "ETAko komandoen koordinatzaile" izateagatik, 115 urteko zigorra ezarri zioten. Frantzian sei urtez preso egon ostean, 1997an Espainiaratu zuten. Duela hilabete, urri erdi inguruan, Murtziatik Valladolidera lekualdatu zuten.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
