Hasi dute baheketa Arrasaten

Mirari Altube Arrese 2020ko aza. 18a, 17:00

13 eta 40 urte arteko 6.000 arrasatear daude deituta PCR proba egitera. Gaur arratsaldean hasi dira horretan Debagoieneko ospitaleko Kanpo Kontsulten eraikineko beheko solairuan, eta egubakoitz iluntzera arte jardungo dute. Horretarako aurrez eskatu behar da hitzordua. 

Hitzordua eskatzeko Arrasateko osasun zentrora (943 03 52 50) edo osasun-aholkularitzara deituta (900 20 30 50) daiteke. Probak arratsaldez egingo dituzte: 15:30-20:00.

Arrasateko Udalak eskatu du egindako deiari erantzuteko: "Erantzukizun osoz jokatzeko garaia da, orain arte egin eran. Hain erraz kutsatzen den COVID-19ari guztiok batera eta era amankomun eta kolaboratiboan soilik egin diezaiokegu aurre. Banakoaren osasuna zainduz, guztiona babesten dugu".

Osasun Sailak jakinarazi zuen atzo ikasleek ez dutela hitzordua eskatu beharrik izango; izan ere, ikastetxeetako zuzendaritza-taldeen bidez eskatuko da.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak