Ez dago jarduera etenda duen ikastetxerik EAEn
Hezkuntza Sailak Euskadiko ikastetxeetan COVID-19ak duen eraginari buruzko datuak eguneratu ditu, eta momentu hauetan, Euskadiko ikastetxeen egoera hau da:
- Aurrez aurreko eskola jarduera etenda duten ikastetxeak: bat ere ez
- Orotara 268 ikasgela daude itxita, 172 ikastetxetan.
2020-2021 ikasturtean, Euskal Hezkuntza Sistemak 17.554 ikasgela ditu guztira (2 urtetik unibertsitatez kanpoko derrigorrezko hezkuntza ondoko mailetaraino). Itxitako ikasgelen kopurua ikasgela guztien % 1,52 da.
