Aurtengo kanpaina abiatu zutenean, apirilaren 30ean kendu zuten liztor beltzaren lehenengo habia, eta uztailaren 15era arte, guztira, 19 kabi kendu dituzte; iaz baino 8 gehiago. Udalaren arabera, kopuru hori “esanguratsua” da, eta 19 horietatik 15 lehen mailakoak direla zehaztu dute, eta 4 bigarren mailakoak
Udaberrian iaz baino liztor erregina gehiago kendu baziren ere, adituek ondorioztatu dute ugaltzeko "arrakasta" eguraldiaren araberakoa dela: “Negu oso arinaren ostean, udaberri epela eta hezea izan dugu, eta baldintza hauek dira aukerakoenak horrelako espezieak ugaltzeko”.
Kolaborazioa, beharrezkoa
Udalak herritarren parte hartzea eskertu du eta kolaborazioa eskatu dute aurrerantzean ere: “Egoera edozein dela ere, lehenbailehen deitzea komeni da, eta ez gara inolaz ere norbera habia puskatu edo liztorrak uxatzen ahaleginduko, erasoaren arriskua areagotu baino ez genuke egingo eta”. Udal teknikariari (62811567), Udaltzaingoari (943252010) edota Biztanleen Arreta Zerbitzura (943252000) deitzea gomendatu dute, kabi bat ikusiz gero edo liztorrak etxe barrura sartuz gero.
