Izango diren saltokien kopurua guztiz zehaztu barik dute oraindik, baina 12 eta 15 postu bitartean izango direla adierazi dute antolatzaileek: "Bertako ekoizle gutxi batzuk kale egingo dute eta ohikoak ez diren pare bat kanpoan geldituko dira karpek ez dutelako ematen denak hartzeko tokirik. Produktuei dagokionez, denetarikoak egongo dira salgai: barazkiak, ogia, gazta, pastak, patelak eta gozoak, kontserbak, eztia, marmeladak ... Arrasaten egindako bi gozogintza-saltoki izango dira, horien artean".
Segurtasun neurriak
Postuen artean segurtasun tartea utziko da eta jela jarriko da da postuen artean. Produktuak babesteko mahaiak jarriko dira saltokien eta bezeroaren artean. Saltoki guztiak alde bakarrera begira jarriko dira eta ez ohiko kokapena edukiko dute. Bezeroak lasai etor daitezela bertako eta sasoiko produktuak erostera".
Uztailekoan, txakolina protagonista
Zapatuan bertako eta sasoiko produktuak erosteko aukeraz gainera, ez da ekintza osagarririk egongo; beste urte batzuetan egin duten moduan, uztailekoan Txakolinaren Eguna egiteko asmoa adierazi dute antolatzaileek.
