Normalean Kulturateko aretoa bete egin ohi da saridunez gain, senide eta lagunak ere gerturatzen baitira. Aurten, ordea, saridunekin bakarrik egingo dute ekitaldia, egoerak hala behartuta.
Gonbidatua, aurrez aipatu moduan, Jon Maia bertsolari eta idazlea izango da. "Prestutasun handia erakutsi du egun aldaketarekin, eta ez digu inongo arazorik jarri hilaren 17an egiteko". dio Artolak. Hala, zumaiarrak 20 minutu inguruko hitzaldi bat eskainiko du, saridunei zuzenduta egongo dena.
18:30ean hasiko da sari banaketa eta, AEDk jakinarazi duenez, ekitaldia grabatzeko eta edonork ikusi ahal izateko aukerak aztertzen ari dira.
