"Tabernen kasuan, jarduera berrabiaraziko da barruko espazioan eta terrazan. Bi kasuetan, gehieneko edukiera %50ekoa izango da, eta bi metroko tartea egongo da mahaien artean edo mahai multzoen artean. Establezimenduetan artatutako pertsonek eserita egon beharko dute beti.
Ile-apaindegiaren kasuan, bezeroen eta profesionalen artean eman behar den hurbiltasuna kontuan hartuta, oso neurri zorrotzak hartu behar dira kutsadurak prebenitzeko eta segurtasuna bermatzeko: bai langileen kasuan, bai bezeroen kasuan" azaldu du Udalak ohar bidez.
Lan mota honetan COVID-19a kutsatzeko arriskua murrizteko bezeroen arteko segurtasun-tartea mantendu eta higiene-neurriak ahalik eta gehien zorroztuko dituzte. "Segurtasun-distantziari eusteko, aldez aurretik hitzordua hartzeko sistema bat ezarriko da, eta langile bakoitzeko bezero bakar batera mugatuko da, eta ezin izango da itxarote-eremurik egon".