Markel Goikoleak musika jarriko duen arren, festaren antolatzailea Erdiko Kaleko Komisioa da, konfinamendu garaian sortu den taldea. Aurretik, Maritxu Balkoi, Urteberri Eguna eta San Fermin jaiak egin dituzte, besteak beste. Ordubeteko iraupena izango duen saio berezia botako dute, Izarra dorrearen goialdean grabatuta; 20:00etan egingo dute emisioa, Youtube bidez.
"Musika jartzeaz gain, herriko komertzioetan erostearen garrantziari tarte zabala eskainiko diogu. Herriko merkatariekin bideo batzuk grabatu ditugu, eta eurek grabatutakoak ere jaso ditugu. Saioaren hasieran haurrentzako abestiak izango dira nagusi, eta ahobizi-ren eta belarriprest-en laguntzaz egindako koreografia batzuk dantzatu ahalko dituzte. Bigarren zatian, adin guztientzako musika jarriko dugu", azaldu du Markel Bazanbide antolatzaileak.
