Espainiar Gobernuak Gipuzkoan duen ordezkariordetzak eta Gipuzkoako Foru Aldundiak 224.000 markara kirurgiko jaso dituzte Gipuzkoan zehar banatzeko eta horietako 4.500 bideratu dituzte Arrasaten banatzera.
Debagoieneko Gurutze Gorriko kideak dabiltza egunotan banaketa lanak egiten, eta "erritmoa hartzea" kosta egin zaien arren, jada 3.000tik gora banatzea lortu dutela azaldu du bailarako Gurutze Gorriaren presidente Javier Igartuak. "Bi txandatan aritu gara maskarak banatzen: 07:30etatik 10:30eara eta 14:30eatik 17:30eara. Hiru parada nagusietan aritu gara: Biterin, San Andresen eta Musakolan. Astelehen goizean goiz, adibidez, ez genuen jende mugimendu handirik igarri autobus geltokitan. Horrez gain, herritar askok etxetik zekarten maskara, derrigorrezkoa zela jakinik. Baina egunak aurrera egin ahala, jende gehiago hurbildu zitzaigun, eta 1.600 maskara banatu genituen.
Gaur ere bide beretik jarraitu dute, eta, adibidez, goizeko txandan 1.500 maskara banatu dituzte.
