Kalera irten ezin direnez autokideen artean "zerbait egitea" gura zutela azaldu du Altamirako auzotar Fertxu Rodrigezek; hala, egitaraua ahal den heinean balkoitik ari dira jarraitzen. Goizean besteak beste, jolasak egin dituzte eta musika zuzenean izan dute Asier Salaren eskutik. Arratsaldean, ostera, marrazki lehiaketa egin dute, eta musika emanaldia izango dute berriro "eguraldiak laguntzen badu". Azaldu duenez, "sinbolikoki egunari kolorea ematen" saiatu dira, eta hori gutxi balitz, auzo bazkariaren faltan balkoian bazkaltzera animatu dira auzotar asko: "Giro polita izan dugu, uste baino jende gehiago animatu da ekintzetara".
