"Gaur egun bizi dugun alarma egoera eta osasun krisi honen aurrean, arduraz jokatu eta jaiak ez ospatzea erabaki dugu, kutsatze jendetsua ekiditeko. Honen ondorioz, lotuta genituen ekintza denak bertan behera geratzen dira eta, ahal den heinean, 2021 urtean berriro ere eskaintzea ahalbidetuko dugu", azaldu du jai batzordeak.
"Ahalik eta zentzuzkoenak" izaten saiatuko direla azaldu dute eta horretarako, egoera berri honen aurrean hurrengo irtenbideak hartu dituzte:
- Izerditzeko jertsea aldez aurretik erreserbatu zutenei, Equs Taberna irekitzen denean bueltatuko zaie dirua, osorik. Norbaitek dirua aurretik behar badu, lasai zehaztutako korreora idatzi eta bueltatuko zaio.
-Aurretik jaiekin lagundu duten bebarruei datorren urterako laguntza mantenduko zaie. Norbaitek laguntza bueltan nahi badu, zehaztutako korreora idatzi dezala eta bueltatuko zaio.
- Jaiak ez egotea konpentsatzen saiatuko gara, beraz, egun hauetan auzokideen aisialdia alaitzeko proposamenak zabalduko ditugu. Parte hartzera animatzen zaituztegu!
Denda guztiei, tabernei eta auzokideei animoak eman gura izan dizkie batzordeak, "eta egoeragatik zuzenean edota zeharka kaltetuak izan direnei bihotz bihotzez gure besarkadarik handiena!".
Kontakturako helbide elektronikoa: sanandresjaiak@outlook.es.
