Arrasateko Ertzaintzaren egoitza behin behinean itxita, osasun larrialdia dela eta

Xabi Gorostidi 2020ko mar. 25a, 16:51
(Argazkia: Google Street View)

Bihar, osteguna, itxiko ditu ateak, printzipioz, "larrialdi egoera amaitu arte". Arrasateko egoitza Herritarren Arreta Bulegoa da, nagusiki herritarren salaketak jasotzera dagoelako bideratuta, eta era horretako beste hamar zentro itxiko dituzte EAEn.  "Esfortzuak bateratzeko eta balizko kutsapen kasuak saihesteko" hartu dute neurria. 

Arrasateko egoitzako langileak errefortzu gisa arituko dira Bergarako Ertzain-etxean, batez ere, konfinamendua haustegatik duten isun gainkargak tramitatzeko lanean. 

"Beraz, ostegunetik aurrera eta beste berririk izan arte, Arrasaten salaketak jartzeko Udaltzaingora jo daiteke. Ertzaintzan salaketa jarri nahi izanez gero, Bergarako egoitzara jo beharko da" azaldu diote Ertzaintzako iturriek Goienari.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak