Udalaren mezua: "Keinu txikiek eragin handia izan dezakete; babes ditzagun gure saltokiak, bertakoak"

Erdiko kalen, jende mugimendu handia, iraileko Merkemerkau batean.

Udaleko talde politiko guztien onarpena duen oharrean, bat egin dute Ibai-artek sinatutako dokumentuarekin, eta online plataformetan erosi beharrean, herriko komertzioetan erosteko dei egin dute. "Oinarrizko beharrak asetzeko beharrezko diren produktuak soilik kontsumitzeko eskaera luzatzen du Udalak eta, posible den neurrian, bertako saltokietan erostea".

"Koronabirusaren pandemiak egoera berezia ekarri du gurera: herritarrak beren etxeetan konfinatuta daude eta saltoki gehienak itxita, oinarrizko produktuenak eta farmaziak izan ezik. Egoera honetan ere bertako komertzioa babesteko deia egiten du Udalak. Jada egoera ekonomiko zailean dago sektorea saltoki gehienak itxita daudelako, eta egunotan, gainera, herritarrak etxean egotearekin kalera irteteko aukerak mugatuta, online plataformetako erosketak areagotu dira. Ez dezagun ahaztu merkataritzak lanpostu asko sortzen dituela gurean, sektorea ekonomikoki garrantzitsu dela, eta saltokiek gure kaleak biziarazten dituztela. Keinu txikienen eragina handia izan liteke. Babes ditzagun gure saltokiak, bertakoak.

Ibai-artek bat egin du Euskal-Dendak Elkarteak egin duen eskariarekin: oinarrizkoak ez diren produktuen online salmenta gelditzea. Udalak, herritarrei, arduraz jokatzea eskatzen die. Online salmenta esku askotatik igarotzen da eta banatzaileak herriko kaleetan barrena mugiarazten dituzte. Oinarrizko beharrak asetzeko beharrezko diren produktuak soilik kontsumitzeko deia luzatzen du Udalak eta, posible den neurrian, bertako saltokietan erostea".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.