Martxoaren 12an eta 13an hartutako neurriei, gaur berri batzuk gehitu dizkie Udal Gobernuak: BAZeko aurrez aurreko arreta zerbitzua etetea –telefono bidez artatzen jarraituko dute–, hileta eta ezkontza zibilak ez dira egingo, auto garbiketa, komun publikoak eta kirol orientazio zerbitzua itxi egingo dituzte, eta igogailu publikoetan gehienez bi pertsona sartzea agindu dute.
Neurriak, gaur, astelehena, jarriko dira indarrean, eta kalera irteteko baldintzak gogora ekarri dituzte:
"Udalak herritarrei etxean gelditu eta prebentzio gomendio nagusiak jarraitzeko deia egiten die. Etxetik atera ahal izango da lanera joateko, erosketak egiteko, farmaziara joateko, etxeko animalien zaintzarako edo zaborra jaisteko besteak-beste. Gomendatzen da aktibitate hauek banaka egitea eta beti ere erantzukizunez jokatzea".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.