Udaberri giroarekin, "jende asko" dabil neguko Merkemerkauan

Merkemerkaua ireki eta berehala asko izan dira mauka onenen bila kalera irten diren herritarrak. Udaberri giro erabatekoa izan dute udazkeneko eta neguko stocka saltzeko azokako lehen orduek, eta horrek jende asko erakarri du erdiguneko saltokietara. "Negukoa izaten da arrakasta handiena izaten duen Merkemerkaua, oraindik neguan gaudelako eta aukera onak izaten direlako. Asteburu polita izaten da, zalantza barik", adierazi du Ibai-Arteko presidente Jon Apraizek.