"Osoko Bilkurara eramaten diren gaiak bozeramaile batzordean lantzen dira, eta hau urtarrilaren 29an ospatu zen, eta bilera honen ostean, Udal taldeko bozeramaile guztiek jaso zuten Osoko Bilkurarako dokumentazioa osoa, baita EH Bilduren udal taldeko bozeramaileak ere, zeinak Osoko Bilkuretan gaiak tratatzerako orduan hitza hartzen duen".
EH Bilduk osoko bilkura bertan behera uzteko egindako eskaria aintzat hartu dute, "legea zorrotz jarraituta". Hala, data atzeratzea erabaki dute, otsailaren 13ra, osteguna: "Hala ere, bozeramaileak informazio osoa izan arren, zinegotziek Osoko
Bilkura baino bi egun lehenago dokumentazio jaso ez dutenez, EH Bilduk Osoko Bilkura atzeratzea eskatu du. Udal Gobernuak, legea zorrotz jarraituta eta eskaera hori aintzat hartuz, Osoko Bilkura datorren ostegunerako dei egingo du".
EH Bilduren oharrari "garrantzia kentzeko", besteak beste, azaldu dute, bilkurako gaiak aldez aurretik batzordeetan adostutakoak direla, eta 56 orriko dokumentazioa elebitan dagoela; euskaraz eta gazteleraz.
