Arrasaten egindako lanaren eta ibilbidearen berri ematen dute Goikolearen bertsoek; hona hemen:
1
Bertso batzuk Mattin ta
Bittorirentzako,
ta ez alferrikako
alabatzarako,
zer diraden jakin nahi
duanarentzako,
mixiolari fin bi
euskararentzako
eta salbazioa
AEDrentzako.
2
Bizkarrean harturik
neke eta penak,
herriminez beterik
dauzkate barrenak;
herria ta euskara
dira beren senak,
hauen izaeraren
barnean daudenak,
bion espiritua
osatzen dutenak.
3
Euskara dago bion
izaerarekin,
sehaskatik hasita
euskerarekin ekin,
ta bera gordetzeko
saiatu ahalegin,
euskaraz pentsatu ta
euskaraz hitz egin,
hargatik ez diote
sekula hutsegin.
4
Hogeita hamaika urte
paseak gurekin,
ogi lanbidez maisu
dituzunak egin,
egur tailatzen ere
irakasle bikain,
zure ikasleak pozik
hain daude zurekin
hauen partetik ere
Zorionak, Mattin.
5
Hogeita hiru urte etorri
zinela Bittori,
Mattinen besoetan
azkenik erori;
Izarrako habian
geroztik bi txori;
euskara irakasten
non-nahi edonori,
ikasle denen partez
Zorionak, tori.
6
Bake aldetik nola
gabiltzan elbarri,
hau lortzeko bidea
nahi dezute jarri
elkarrizketan alde
maiz buru-belarri,
herri askatu baten
gose ta egarri,
hargatik hain gogoko
dezute Elkarri.
7
Maleta garraioan
zaudete hasita,
nonbait Tolosarekin
daukazue zita,
bidalita ez zoazte
baizik zuek nahita,
nora zoazte hemen gu
umezurtz utzita?
maiz eiguzue arren
lagunoi bisita.
----
Amezketatik Arrasatera
lanerako hurbilduak,
Bittori Mattin, hain bikote fin
herrigintzan murgilduak;
euskara arloan hainbat esparru
barren barrendik landuak,
AEKn lehen pausuak,
Gau Eskoletan sartuak
orduak eta orduak,
AED sortzeko mila bilera
maiz dohaineko karguak,
zuek eindako ahalegin hoiek
ez dira izango ahaztuak.