Enpresa txiki bat dela Oskarbi adierazi dute, 12 denda de 40 langile dituena, eta, ez dituztela ulertzen ELAk egindako salaketak, haien ustetan ez baitute zerikusirik errealitatearekin: "Oskarbik, langileen eskubideak beti bermatzen ditu. Gaur egun ez dago, eta ez da inoiz egon, lan prekarietaterik Oskarbin. Beraz, enpresaren erabakiak ez dauka zerikusirik langileen bilerekin edo haien eskubideak gauzatzearekin". Eta ELAri dei egin dio bere adierazpenak eta salaketak froga ditzan.
Era berean, gaineratu dute kontsumo aldaketen ondorioak jasan dituztela: "Zoritxarrez, kontsumo ohiturek aldaketak ekarri dituzte (Zara, Amazon), horrek salmenten beherakada ekarri duelarik gure dendetara. Ondorioz, Oskarbik neurriak hartu behar izan ditu, langileen berrantolaketa eta bi dendaren itxiera ekarriz".