Inauguratu dute Itzuli Barik erakusketa. Kulturateko klaustroan dago ikusgai, urriaren 19ra arte.
Hiru artisten lanak jasotzen ditu erakusketak: Alazne Zubizarreta –Arrasate, 1994–, Natalia Suarez –Gasteiz, 1994– eta Daniel Llaria –Logroño, 1985–. Harriak eta Eremuak programaren barruan kokatu behar da erakusketa eta Leire San Matin ibili da koordinatzaile lanetan.
Erakusteaz haratago interakzioa bilatzen duen erakusketa da Itzuli Barik. Hori horrela inaugurazio ekitaldian Maider Arregi, Maddi Gallastegi eta Miren Artetxe bertsolariek parte hartu zuten kantuan; eta, Ttak! gazte taldeko partaide Ekhiñe Casadok kontzertua eskaini zuen.
Jarduera osagarriak
Erakusketa inguratuko duen eta zeharkatuko duen zenbait jarduera bildu dituzte. Urriaren 20an, esaterako, Ana Isabel Ugaldek bisita gidatua egingo du. Arrasateko historia zentrora ekarri eta artisten piezak bertako kontestuan irakurtzeko bisita izango da.
