11:15ean izan da gertakaria. Kaonbi elkartearentzat dirua batzeko itsulapikoa osten ahalegindu da 30-35 urteko gizonezko bat, eta handik gutxira Ertzaintzako agenteek atzeman dute, tabernan bertan. Ez dute atxilotu, lapurtzen ahalegindu den kopurua ez delako lapurreta kalifikaziora heltzen. Hala, ebasketagatik inputatu dute.
"Lapurra tabernan sartu da, eta ur basokada bat eskatu du. Ostean, itsulapikoa osten ahalegindu da, baina Ertzaintzako agenteek atzeman dute" azaldu du tabernako arduradunak. "Itsulapikoa osten ahalegindu da, baina ez da beste ezer gertatu".
Lapurrak goizeko beste gertakariekin zerikusirik zuen galdetuta, Ertzaintzak ez du baieztatu, diligentziak amaitu gabe dituzte eta.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
