Lanbide Heziketan diharduten 120 irakasle elkartu dira Arrasaten trebakuntza saio baten bueltan

Mondragon Goi Eskola Politeknikoak koordinatzen du Euskadiko Lanbide Heziketako Sailburuordetzak irakasleak fabrikazio digitalaren eta konektatuaren arloan trebatzeko eta haien ezagutzak eguneratzeko helburua duen proiektua. Horren bidez, hainbat produkzio eta berrikuntza-ingurunetan espezializatutako LHko zentroen sarea sortu nahi da, eta Arrasaten elkartu dira Euskadiko hainbat prestakuntza-zentrotako 120 irakasletik gora, bloke guztien ondorioak aurkezteko. 

Mondragon Goi Eskola Politeknikoa

Gaur egungo erronka hauxe da: big data, birtualizazioa, elkarlaneko robotika, prozesuen digitalizazioa eta halako tresnak erabiliko dituzten smart factoryak edo fabrika digitalak garatzea. Fabrika adimendun deritzenek partekatzen dituzten ezaugarriak dira. Fabrika horiek, industria-ingurunearen digitalizazioan oinarrituta, autokontrola eta leheneratze-gaitasuna duten sistemak aztertzen dituzte, ahalik eta gailu konektatu gehien kudeatzeko. 

Testuinguru horretan, Mondragon Goi Eskola Politeknikoak eta nodoetan laguntzaile izan dituenek ondorioak aurkeztu dituzte zenbait arlotan, hala nola automatizazioan, robotikan, ikuspen artifizialean, sistema adimendunetan, zibersegurtasunean, errealitate birtual eta areagotuan, biki digitalean eta abarretan.