Urteroko hitzordua inoiz baino tenperatura altuagoekin (35 gradu inguru eguzkitan) jokatu behar izan dute errugbi taldeek. Aurten Durango eta Elorrioren bisitak izan ditu Arrasatek, Irunek autobusarekin arazo bat izan duelako eta taldea ezin izan da Mojategiko berdegunean izan. Hiru talde izan direnez, azkenean, bakoitzak beste bina partidu jokatu ditu.
Bizkaiko taldeek nagusitasuna erakutsi dute Mojategin, hasieratik, eta norgehiagoka erabakigarria euren artean jokatu dute. Finala, azken minutuan eskuraturiko entsegu bati irabazi dio Durangok Elorriori.
Partiden ostean, jokalariek "oso gustura" jokatu dutela azaldu diote GOIENARI, baina beroa dela eta "inoiz baino gogorragoa" ere izan dela azpimarratu dute.
Hauek izan dira Nazioarteko Zazpiko Txapelketako emaitzak:
Arrasate - Durango (5-7)
Durango - Elorrio (7-22)
Elorrio - Arrasate (10-7)
Arrasate - Durango (0-17)
Durango - Elorrio (7-5)
Elorrio - Arrasate (10-10)
Arrasate - Durango (0-14)
Durango - Elorrio (5-10)
Elorrio - Arrasate (7-10)
Finala:
Elorrio - Durango (21-24)