EAJ irabazle Arrasaten, botoen ia %40 jasota

EAJk irabazi ditu hauteskundeak Arrasaten 4.474 boto batuta (%39,08). EH Bilduk ere gora egin du jasotako boto kopuruan (4.103) eta biek ala biek zinegotzi bana irabazi dituzte. Hala, parte-hartze datuak gora egin badu ere, bi alderdien artean zegoen boto aldea apenas aldatu da, ez da 400 botora iritsi (371). Sozialistek izan dezakete giltza ostera, hiru zinegotzirekin. Elkarrekin Podemos koalizioak zinegotzi bat izango du, eta Arrasate Aurrera!-k ez du ordezkaritzarik lortu, ezta alderdi popularrak ere.