Arratsalde osoan zehar ertzainak ikerketa lanetan aritu dira, auzotarrak elkarrizketatzen eta hatz markak jasotzen. Hatz markak eta bestelako aztarnak Galiziako zortzigarren zenbakian hartu dituzte bereziki.
Ertzaintzaren ikerketak, hala ere, aurrera jarraitzen du zer gertatu den zehatz jakiteko. Arratsaldeko lau t'erdietan eta epaileak baimena eman ostean eraman dute ume jaioberriaren gorpua. Ondoren Arrasateko Udaleko garbitzaileak bertaratu dira autoa eta ingurua garbitzeko. GOIENAk Santa Teresako auzotarrekin hitz egiteko aukera izan du. Auzoa "asaldatuta esnatu" dela, azpimarratu dute eta auzotarrak hunkituta egon dira goiz osoan zehar.
Gogora ekartzeko, Arrasateko Galizia kalean agertu da haurra hilik, auto baten inguruan, auzotar batek abisua eman duelako. Esandako moduan Ertzaintzak Ikerketak aurrera jarraitzen du.
