Maialen Axpek urrea eta Malen Ruiz de Azuak zilarra lortu duten Espainiako txapelketan, egon dira Arrasateko beste atleta batzuk ere. Hain justu ere, Eneko Carrascal, Iñigo Uribarren eta Ibai Fernandez.
Eneco Carrascal bosgarren izan da jauzi hirukoitzean 15,52 metroko saltoarekin. Proba berean, bederatzigarrena izan da Uribarren, 14,87ko markarekin. Azkenik, Ibai Fernandez, 60 metroko proban lehiatu da, baina ez ditu kanporaketak gainditu.
Mikel Agirre, Gipuzkoako txapeldun
Bestalde, Anoetan jokatu dira 16, 18 eta 20 urtez azpikoen Gipuzkoako txapelketak. Eta, Mikel Agirrek urrezko domina jantzi du luzera-jauzian 6,60 metroko markarekin.
Aitor Uranga, Alain Egia eta Ander Otero lehiatu dira 60 metroko distantzian. Urangak bere marka ondu du (7.26) eta brontzezko domina irabazi du. Oterok laugarren lekuan bukatu du, eta Egiak zazpigarren.
Azkenik, Eneritz Kortabarria kadeteak seigarren lekuan bukatu du 60 metroko lasterketa.