Kontzertu solidarioa eskaini du Goikobaluk, Harremanek antolatuta. Neska-mutikoen emanaldia izan da lehenengo, eta dotore asko abestu dute horiek; txalo zaparrada beroa jaso dute horregatik. Ondoren, helduek hartu diete txanda eta horien kantak ere ezin gusturago jarraitu dituzte parrokian elkartutakoek.
Mundukidek Mozanbiken (Afrika) duen proiektuari eta Indiako familia txiroetako 200 neska baino gehiagoren ardura duen umezurtegi bati laguntzeko dirua jasotzeko helburuarekin antolatu du emanaldia Harremanek. Bazkide gehiago izateko kanpainaren baitan dago, eta zera adierazi dute: "Emateko aukera eta zortea daukagu". Bide batez, orain arte laguntzaile izan dituztenak eskertu dituzte eta Gabon zoriontsuak pasatzeko deia egin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.