Umeak pozik, euskarazko jostailuak probatzen

Herriko hiru ludotekatako umeak izan dira euskarazko mahai-jolasak probatzen.

Santa Marinako, herri erdiguneko eta Usaetxeko ludoteketako gaztetxoek urriko ate irekiak izan dituzte eta euskarazko jostailuak probatzeko eta horiekin gozatzeko aukera izan dute. Mahai-jokoei dagokienez, euskarazko jolasen eskaintza zabala dagoela ikusi ahal izan dute eta gustura ibili dira.

Txatxilipurdik urtero eskaintzen duen euskarazko mahai jolas berriak probatzeko eta horiekin gozatzeko aukera izan dute Arrasateko hiru ludoteka hauetako umeek; Santa Marinakoek, herri erdigunekoek eta Usaetxekoek.

Umeak gustura, mahai-joko berri bat ezagutzen.

Adin tarteka banatuta

Kulturateko Jokin Zaitegi aretoa hiru gunetan banatu dute, adinari dagokionez: 3-5 urte, 6-8 urte eta 9tik gorako umeendako eskaintza jarri dute. Horietako gune bakoitzean katalogo bana jarri dute, umeek bertan ikus zezaten zein jolas aukera daukaten, eta ondoren, katalogoan zetozen jokoak hainbat kaxatan zituzten, bertatik umeek nahi zituzten jokoak hartzeko eta horiek probatzeko.

Mahaietan edo lurrean, umeak taldeka, joko berriak probatzen.

Euskarazko jostailuak

Aurten atera berri dituzten hainbat mahai-jokotan ibiltzeko aukera izan dute neska-mutikoek, hezitzaileen laguntzarekin. Eta bertan zegoen Txatxilipurdiko dinamizatzaile Arantza Osorok adierazi du "euskarazko jostailuak indartzeko eta euskaraz jolasteko" aukera paregabea izan dutela umeek. Gogora ekarri nahi izan du baita ere, Gabonak gerturatu ahala, jostailuen geroz eta publizitate gehiago kontsumituko dutela herritarrek, baina kontuan hartzeko euskarazko jolasen eskaintza "oso zabala" dagoela eta "denetariko" euskarazko jokoak daudela.

Askotariko jolasak probatzeko aukera izan dute umeek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.