Gaur goizean egin dute Birzikleta azokaren edizio berri bat, eta arrasatear ugari gerturatu dira aukerako bizikletak erosteko gosez. Aurten 199 objektu jarri dituzte salgai. Gehienak bigarren eskuko bizikletak ziren, baina trizikloak, edota bizikletentzako osagarriak ere egon dira Azoka Plazan salgai.
Txatxilipurdiko langileek koordinatu dituzte salmentak, eta pozik azaldu dira salmentek eduki duten erritmoarekin. "Goiza ondo doa. Gehienbat bizikletak saldu ditugu, nagusientzako eta baita haurrentzako ere. Aurten hiru bilketa egun jarri ditugu, eta guztira 199 objektu batu ditugu".
Azoka Plaza kanpoaldean euren postutxoa jarri dute Lizarralde Kirolak-eko lagunek, eta bertan ere jende uagri aritu da maukak kuxkuxeatzen.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.