Etxoste taberna txapeldun gizonezkoen Zaldibarko 24 orduetan

Xabi Gorostidi 2018ko uzt. 15a, 12:16

Areto futbolaren presentzia faltan botatzen zuten Zaldibarko paretek, eta atzokoan, betekada galanta hartu zuten. Herriko gazte kuadrilla baten ekimenez 24 orduko txapelketa Zaldibarrera itzuli zen, modu arrakastatsuan gainera. Nesken kategorian Leintz-Arizmendi izan zen garaile, eta gizonezkotan, aldiz, Etxoste taberna izan zen txapelduna.

10:00etatn hasi eta goizaldeko 03:00ak arte areto futbolaren festa handia bizi izan zen atzo Zaldibarren. Guztira 15 taldek hartu zuten parte –bi emakumezko eta hamahiru gizonezko–, eta ikusleen aldetik erantzun paregabea izan zuen txapelketaren itzulerak. 

"Parte hartzaileen eta ikusleen aldetik feedback oso positiboa jaso dugu. Guretzat lehen aldia zen, baina antolakuntza aldetik gauzak ondo egin ditugula transmititu digute" azaldu du antolakuntza taldean aritu den Danel Garciak. 

Gizonezkoen mailan taldekako fase bat jokatu ostean, hasi zituzten kanporaketak. Finala Etxoste tabernak irabazi zuen (3-0) Komando Pekines taldearen aurka, eta areto futbolaren festa goizaldeko 03:00ak arte luzatu zen. Datorren urtean berriz antolatuko duten galdetuta, zera erantzun dute antolatzaileek: "Gogoz gaude txapelketa berriz antolatzeko. Ikusi beharko da datorren urtean nola gabiltzan prestutasun aldetik, baina aurtengo esperientzia baliatuta ziur gauzak errazago egingo ditugula. Gogo faltagatik ez da izango". 

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak