Hona hemen Baleiketik komunikabideetara igorritako oharra, bere osotasunean:
"Esan ez diren gauza batzuk radarren gainean:
Orain dela urte bat baino gehiago gobernu taldeak abiadura radarrak kokatzea erabaki zuela Arrasateko hainbat puntutan. Gure udal taldetik, aparatu hauen instalazioaren xedea diru bilketa ez zela bermatzeko, Baleikeko zinegotziak isunetatik jasotako dirua istripuak eragindako familiarren elkarteetara edo istripu prebentzio erakundeetara bideratzea proposatu zuen. Gobernu taldearen erantzuna proposamena kontuan hartuko zela izan zen, baina bere lehentasuna makinariaren erosketa eta abiadura kontrol sistemaren alokairua amortizatzea zela. Azkenik, atzo alkatesak publikoki adierazi zuen isunetan biltzen den dirua Gurutze Gorrira eta DYA-ra bideratuko dela.
Baleike udal taldetik pozten gara orain dela urte bete egin genuen proposamena aurrera atera izana. Hala ere, Arrasateko alkatesaren jokabideak harritzen jarraitzen gaitu, oposizioko alderdion proposamen eta lanak aitortu gabe eta zintzotasun izpirik gabe bereganatuz.
Beste aldetik, mahai gainean jarri nahi dugu gobernuak ez dituela radarrak instalatzerako orduan argudiatu zituen helburuak. Gaur egun dauden kokalekuetan izanik, istripuen eta harrapaketen kopuruak ez dute beherantz egin, kontrakoa baizik, areagotu egin dira. Errealitate honen aurrean eta ondorioz, Baleike udal taldetik gogoeta eta balorazio bat egitea eskatzen dugu, abiadura kontrol gailuak ea kokatuta dauden lekuetan funtzionalak diren eta ea beste toki batzuetan duten helburua hobe bete dezaketen, herri barnean gehiegizko abiadurekin bukatzea eta herritarren segurtasuna".
