Jubenil mailako atletek maila ona erakutsi dute asteburuan

Alex Agiriano eta Mikel Agirre Anoetan.

Euskadiko Txapelketako pista estaliko azken jardunaldia izan zen atzokoa Anoetan. Arrasateko taldeko Alex Agirianok urrea lortu zuen 6,62 metroko saltoarekin, eta Mikel Agirrek brontzea 6, 26 metrokoarekin. Biek estatuko txapelketan jokatuko dute -Agirrek aurretik 6,45 metroko gutxienekoa eskuratuta zeukan-.

Agiriano eta Agirre Antequerara -Malaga- joango dira estatu mailako luzera saltoko jubenil mailan lehiatzeko.

Saltoak alde batera utzita, bestelako frogetan ere fin aritu ziren arrasatearrak. 60 metrotan Aitor Urangak bosgarren postua eskuratu zuen 7,50 segundorekin; besteek ez zuten finalera sailkatzea lortu. Honako emaitzok lortu zituzten: Iker Menor 7,54 segundo; Ander Otero 7, 58; Ander Hierro 7,70; Unai Sageras  7,80 eta Alain Egia 8 segundo. Emakumezkoetan Iria Fernandezek 8,60 segundoko marka egin zuen.

Bestalde, 1.500 metroko lasterketan Lander Agirregomezkortak 4 minutu eta 43 segundo behar izan zituen.

Erlazionatuak

Pista estaliko Euskadiko Txapelketan emaitza bikainak izan dituzte debagoiendarrek

Arrasate Bergara

Dominekin itzuli dira Andoni Calbano eta Ibai Fernandez atleta debagoiendarrak 16, 18 eta 20 urtez azpiko pista estaliko Euskadiko Txapelketatik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.