Baso jardunaldiak egingo dituzte Arrasaten, otsailaren 28tik martxoaren 3ra bitartean

Hazik eta Arrasateko Udalak antolatutako ikastaroan, Euskadiko basogintzaren egungo egoera eta basoa modu jasangarrian eta errentagarrian kudeatzeko aukerak aztertuko dituzte. Ikastaroa doakoa izango da, baina aurrez izena eman behar da Arrasateko Fraisoro Eskolan.

Ikastaroan basoaren kudeaketarako oinarrizko jakintzak jasoko dira; besteak beste, zer den basoa, basoko gaixotasunak, egurraren egungo egoera, etab. Honen helburua, basoetan jabetzak dituztenei orientazioa ematea izango da, egun basogintzan dauden aldaketetara egokituz.

Hitzaldiak otsailaren 28an -euskaraz- eta martxoaren 1ean -gaztelaniaz- egingo dira. Biak Kulturaten izango dira, 15.30etik aurrera areto nagusian.

Martxoaren 2an Gutik Zura dokumentala eskainiko da; honen helburua da sozializatzea basoaren, egurraren eta euskal gizartearen artean egon diren, dauden eta egongo diren harremanak. Azkenik, martxoaren 3an, zapatuan, mendi irteera bat egingo da.

Jardunaldiak doan izango dira baina aurrez izena eman behar da, partaide kopurua mugatua baita. Izena emateko edo informazio gehiago eskatzeko:

Fraisoro Eskola: 943692166

Hazi: goo.gl/9g2LUU /fpefraisoro@hazi.es

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.