50 pertsona elkartu ziren atzo Ttakun elkartearen 25. urteurreneko 'txotxpartean'

Txotxparta egiteko atzo elkartutako lagun taldea.

Arrasateko txalapartarien elkarteak sagardotegian eman die hasiera ospakizunei, eta giro ederrean joan zen gaua. Nola ez, txalaparta doinurik ez zen falta izan; izan ere, soinu hori herrira ekarri izana aitortu behar zaie.

Arrasateko txalaparta taldeak, Ttakunek, herritarrekin eta egurra emuten! ospatu nahi ditu 25 urteak, eta atzo egin zituzten urteurren ekitaldietako lehenengo ekintzak. 50 lagun elkartu ziren Gesalibarko Zabolain sagardotegian Txotxparta egiteko. Aurretik, hori bai, batzuendako motz gelditu zen txikiteoa egin zuten herrian.

Sagardotegian Arrasateko txalapartariek egin zuten ongi etorria; izan ere, saio bat eskaini zuten afaltzen hasi aurretik. Afarian zehar, berriz, alboka, pandero, bertso eta txalaparta hotsa izan zen girotzeko.

Sagardo, musika eta janaren artean Arrasateko Ttakun txalaparta elkarteko Kike Dapenak hartu zuen hitza. Elkartearen sorrera eta elkartetik pasatako pertsonak izan zituen gogoan. Gaineratu zuen elkartearen 25. urteurrena izanik urte osorako egitaraua prestatu dutela, eta eskerrak eman zizkien lehenengo ekintzan parte hartutakoei.

Kamisetak harrera ona

Urteurrenerako propio egindako kamisetak atera ditu Ttakun elkarteak. Bi koloretan eta hainbat neurritan daude. Kamisetak harrera ona izan du. Atzokoan 50 pertsona elkartu ziren afaltzeko eta 40 kamiseta saldu zituzten. Kamisetak, dena den, salgai egongo dira Ttakun elkarteak urteurrenarekin lotuta urtean zehar egingo dituen ekintzetan.

Ibilbide oparoa

1993an sortu zen Arrasateko txalaparta taldea. Ikastaro ugari antolatu dituzte urte hauetan guztietan eta ekitaldi batean baino gehiagotan izan dira. Ekintza gehiago ere etorriko dira; izan ere, urte osorako egitaraua iragarri dute 25. urteurrena ospatzeko.

Erlazionatuak

Ttakun, 25 urte egurra emoten

Arrasate

Kike Dapena: "Txalaparta soinua eman dio Ttakun taldeak Arrasateri"

Arrasate

Arrasateko txalaparta taldeak, Ttakunek, "herritarrekin eta egurra emuten!" ospatu nahi ditu 25 urteak. Hamabost lagun daude taldean. Hain justu er...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.