2015ean egin bezala, Udalak aurten berriz ere jarri du martxan Arrasateko Udalarekein ere euskaraz kanpaina. Abenduaren 4an aktibatu zuten eta hilabete osoan zehar egongo da funtzionatzen. Helburua garbia da; arrasatearrek Udalarekin komunikkatu behar dutenean euskararen alde egin dezatela. Hori saritzeko euskaraz komunikatzen direnen artean PUNTUA aldizkarirako hiru harpidetza zozketatuko dituzte.
Datorren urterako proiektuak
2018an Arrasatek Udaleko Euskara hiru erronka nagusi izango ditu egiteko; Udaleko barne komunikazioko euskara plana berritzea, herritarrek euskaraz egiteko plana berritzea eta Euskaraldia. "Lehen biak berritzeko hainbat eragilerekin elkarlanean arituko gara. Euren ekarpenak batu nahi ditugu, guretzat oso proiektu garrantzitsuak direlako" azaldu Ahintza Lasa Udaleko euskara teknikariak. Euskaraldiari buruz zera adierazi du. "Euskal Herri mailako egitasmo honetan herrietako euskalgintzan dabiltzan elkarteek izango dute hau garatzeko ardura. Arrasateko kasuan bilgune bat sortu berri dugu, Geike izenekoa, eta bertan sartuta dago Udala, ikastetxeekin eta euskara elkarteekin batera. Beraz lan-talde polit daukagu bete-betean proiektuari heltzeko".
Euskara sailean aldaketak
Arrasateko Euskara saileko buruak erretiroa hartu ostean, sailaren antolaketan aldaketak batzuk egin ditu Udal gobernuak. "Estruktura zaharkituta zegoela ikusita, antolaketa birpentsatzea erabaki genuen. Hala proiektuka antolatzea apropostzat jo genuen, inplikazio eta motibazio gehiagorekin lan egiteko" azaldu du Maria Ubarretxenak. Aldaketarako lehen urrats bezala euskategiko bi langile euskara sailean lanean jarri dituzte, lanaldi erdiarekin. "Sinergiak izateko helbuarekin egin dugu, eta uste dut lortzen ari garela. Adibidez, euskaltegian herriko merkatariei euskara irakasten dien pertsonak, merkatariekin lotura duten gauzak kudeatzen ari da Udalean, eta merkatariak gustura daude".