Prentsara bidalitako oharrean honako argumentuak erabiltzen dituzte EHEko kideek euskararen legearen balorazioa positiboa ez izateko. "EHEtik egiten dugun balorazioa ez da inondik inora positiboa. Ikustea
besterik ez dago euskaldunok egunerokotasunean jasaten dugun hizkuntza eskubideen zapalkuntza, edota euskararen erabileran ematen ari den atzerakada arnasgunetzat genituen hainbat eremutan.Datozen urteak erabakigarriak izango dira euskararen biziraupenerako; eta, aldaketa aurreikuspen hauen aurrean, jauzia emateko ordua da".
Langile publikoen euskalduntzeaz gain, estrategikotzat jotzen dute hezkuntza sistema euskaldun bat izatea: "Etorkizunean ez dadin gertatu gaur egun gertatzen dena, estrategikotzat jotzen dugu euskaraz
dakiten ikasleak sortuko dituen hezkuntza sistema euskaldun bat sortzea. Horretarako, ereduen politiketatik haratago euskaraz bizitzeko eredu bakar eta integral bat adostu behar dugu, arestian aipatutako jauzia sakona izatea nahi badugu behintzat. Orobat, euskararen ofizialtasuna exijitzen dugu Euskal Herri osoan eta gure hizkuntzaren derrigortasuna edozein hizkuntza ofizial eta ez-gutxituk behar duen moduan. Honez gain, erabilera planak indartu eta beharrezko baliabideak jartzea ezinbestekoa izango da estrategikoak ulertzen diren eremuak kontuan izanda".