Gaiaren harira publiko egin duten oharrean, honako puntuak jasotzen ditu Arrasateko Udalak:
- Arrasateko Udala ez dator bat Fagor CNA-ko zuzendaritzak hartutako erabakiarekin eta beste behin bere desadostasuna eta kezka azaltzen ditu.
- Bertako langileen kaleratzea ekiditeko aukera eta bide guztiak aztertu jorratu eta agortzea eskatu dio CNA Group taldeari eta ildo horretan, Edesako enpresa batzordearekin hitz egin du bide horretan Udalaren laguntza eta borondatea adierazteko.
- Udalak ez du langileen kaleratzea inondik inora aukera bezala onartuko, baina horiei Udalaren babesa eta laguntza eskaintze aldera, CNA Group taldeko langilegoaren eskura jarriko ditu udal enplegu programak.
- Beste behin, Edesa Industrialeko eta Geyserreko langileen lanpostuak mantentzeko aurrera eramaten diren ekimen eta ekintza ezberdinetan Euskadiko instituzio ezberdinekin elkarlanean aritzeko borondate eta konpromiso irmoa azaltzen du.
