Aurtengo jaietan, herritarren parte hartzea "oso handia" izan dela azpimarratu du baita, antolatu diren ekintza denek "harrera ezin hobea" izan dutela. “Festak ez dira festa herritarren parte-hartzerik gabe eta bide horretatik, arrasatearren inplikazioa guztiz eskertzekoa da, ekitaldi guztiak jendetsuak izan baitira”, gehitu du Udalak.
Jaiak antolatzeko parte hartu duten elkarte eta eragileei ere eskerrak eman die Udalak, egindako lan eta esfortzuagatik “Ekintza egitaraua ilusioz eta esfortzuz beteriko lanaren emaitza izan da eta aurtengo programak herritarren artean izan duen harrera ona, lan eta esfortzu horren isla izan dira” .
Horrez guztiaz gainera, San Juanetan herrian eta herritarren artean bizitako "giro ona" nabarmendu du.