Desadostasuna Aprendizen eraikinari izena bilatzeko egitasmoarekin

'Aprendices' eraikinaren aurrean Arrasate Zientzia elkarteko kideak.

Aprendizen eraikina berritzeko proiektua dela-eta, izen ofiziala aldatu gura du Arrasateko Udalak.Honen harira, Arrasate Zientzia Elkartekoek prentsaurrekoa eskaini dute gaur, eta beraien desadostasuna azaldu dute. Hala azaldu du Xabier Bengoa kideak: "Izenak gure memoriaren parte dira, eta galtzen ari gara neologismoen bitartez, horregatik uste dugu kontserbatu behar direla…".

Goikobalu, Arrasate Musikal eta ballet taldearen egoitza izango denari izena aldatzeko parte hartze prozesua martxan jarri du Arrasateko Udalak, eta Aprendices eraikinari izena aldatzeko bi proposamen egin ditu: Aprendizbarri edo Aprendizola.

Honen harira, egingo diren proposamenentzat hainbat baldintza jarri ditu Udalak, betiere Aprendiz erroa errespetatu beharko dena.

Aprendizen izena mantenduz

Arrasate Zientzia elkartekoek Aprendizen eraikinari izena aldatzearen desadostasuna adierazi dute: "Gure herrian beti izen da Aprendiz eskola, edo Aprendizetara goaz… eta aldatuz desnaturalizatu egiten da izena. Gure asmoa da, Aprendices hitzak iraun dezala, eta bertara musika datorrenez Aprendices eskola musika etxea jar diezaiokegu adibidez. Baldintzetan eskatzen duenez izen aurrerapena, ba Aprendizeak musika etxea deitu nahi diogu" adierazi du Xabier Bengoa Arrasate Zientzia Elkarteko kideak.

Ondarea babestuz

Bengoak gaineratu du ondarea babestu beharra dagoela: "Guk ondarea babestu nahi dugu, neologismoen bitartez, galtzen ari gara gure herriko toponimia, memoria… ". Jatorrizko izena derrigorrez agertu behar dela uste dugu.

Herritarrei eskaera

"Udaletxeak gure ekarpena kontuan hartuko duelakoan, herritarrei ere gure eskaerarekin bat egingo dutelakoan, Aprendizen eskola edo Aprendizak–musika etxea izenen aldeko apustua egiten dugu guk".

Erlazionatuak

Aprendizen eraikinaren izen aldaketa

Arrasate 1

Aprendizen eraikinaren izena aldatzeko prozesua zabaldu berri da. Gutxi falta da eraikinaren gaineko proiektua amaitzeko, eta beraz, orain arte Apr...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.