Zuhaitz feria antolatu du Arrasateko Udalak urtarrilaren 21erako

Iazko zuhaitz feria, Seber Altube plazan.

Hileko hirugarren zapatuko baserritarren azokarekin batera, zuhaitz feria egingo dute urtarrilaren 21ean Seber Altube plazan (08:00-14:00). Aurtengo ferian sei mintegi egongo dira: Zaldibarko Areitio, Igorreko Artadi, Zaldibarko Belar, Gatikako Etxebarria, Zarauzko Lurberry eta Arrasateko Udalatx.

Ikusgai eta salgai egongo diren espezieen artean honako hauek aurkitu ahalko dira: fruta-arbolak, koniferoak, basoko landare autoktonoak eta lorategietakoak, basoko fruitu txikiak eta ekologikoak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.