Arrasateko santamasak 2016

Bigarren urtez jarraian, Amaia Albesen erakusleihoa da Arrasateko politena

Ander Larrañaga 2016ko abe. 21a, 22:20
Amaia Albes diseinatzailearen tailerreko erakuslehioa.

Santamasetako erakusleiho lehiaketako lehen saria Amaia Albes moda diseinatzaileak eroan du, bigarrenekoz gainera. Oso pozik agertu da diseinatzailea: "Ez nuen aurten berriro ere irabaztea espero". Bigarren saria Altuna lurrindegiak eskuratu du; hirugarrena, Otamendi harategiak. Iazko irabazle berak izan dira.

300 euro eta garaikurra eskuratu ditu Amaia Albesek bere erakusleihoagatik. "Kolore zuria eta gorria nahastu gura izan ditut. Horretarako, pertxak bata besteari lotuta zuhaitz bat eraiki eta apaingarriak jarri dizkiot. Bestalde, nire ahizpari bere ezkontzarako propio egindako berokia ere jarri dut; oso aproposa iruditu zitzaidan, negu-giroa ematen baitio erakusleihoari" azaldu du Albesek.

Amaia Albes Udaleko eta Ibai Arteko ordezkariekin.

Iazko podium bera

Kasualitatea ala ez, iazko saltoki berek eroan dute saria, ordena berean gainera. Altuna lurrindegiak 250 euro eta garaikurra eroan ditu eta Jose Ramon Otamendiren harategiak, 200 euro eta garaikurra. Azken hori Ibai Artek eman du; beste biak Udalak.

Maria Ubarretxena Arrasateko alkateak, Juan Ramon Mendieta kultura zinegotziak eta Ibai-Arteko Maria Luisa Viak banatu dituzte sariak.

Goian, Altuna lurrindegiko irudiak; behean, Otamendi harategikoak.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak