Arizmendiarrietaren omenezko meza, haren heriotzaren 40. urteurrenean

Jose Ignacio Munilla Donostiako gotzainak eman du meza.

Arrasateko San Juan parrokia jendez bete da, Jose Maria Arizmendiarrieta kooperatibismoaren aitaren omenezko elizkizunean. Jose Ignacio Munilla Donostiako gotzainak gidatu du meza. "Arizmendiarrietaren presentziak bere oroimena izateko eta hari erregutzeko balio behar digu", adierazi du Munillak.

Arizmendiarrietaren gorpuzkiak modu eder batean eta "duintasunez" jarrita daudela esanez hasi du sermoia Donostiako gotzainak. Arizmendiarrietak egindako ekarpena azpimarratu nahi izan du: "Hari eskerrak eman beharrean gaude, jainkoaren eta gure artean egiten duen bitartekaritza lanagatik", azaldu.

Gaur urte liturgikoa hasten dela esan du Donostiako gotzainak, "konpainia berezi" batekin. "On Jose Mariaren gorpuzkiekin hasiko dugu urte liturgikoa. Elizak ez du urtarrilaren 1era arte itxaroten urtea hasteko. Aurreko urte liturgikoan jasotakoa, oraingoan sakondu egin behar dugu".

Bestalde, Arizmendiarrietaren predikuak ere gogorarazi ditu. "Zergatik predikatu zuen horrenbeste aldiz eliza honetan On Jose Mariak Jesukristoren misterioetara urtero egiten den etengabeko itzulera hori? Berau kontenplatzeak ahalbidetzen duelako gure buruan dagoena bihotzera iristea", adierazi du.

Erlazionatuak

Horazio Argarate: "Beneragarriarenak direla ziurtatzeko berme giztiekin gordeko dira gorpuzkiak"

Arrasate

Jose Maria Arizmendiarrietaren gorpuzkien leku aldaketaren gainean dihardu Horazio Argarate Arrasateko parrokoak. Izan ere, San Juan Bataiatzailear...
Arizmendiarrietaren hilkutxa San Juan Bataiatzailearen elizara lekualdatu dute

Arrasate

Kooperatibismoaren aitaren gorpuzkiak San Kristobalgo hilerritik San Juan Bataiatzailearen parrokiara eraman dituzte. iaz jaso zuen Beneragarr...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.