Mondrak hasi du denboraldi-aurrea

Arrasateko taldea, iragan denboraldiko Urolaren aurkako norgehiagokan.

Ohorezko Erregional mailan jokatuko duen taldea martxan jarri da jada. Atzo lehen lan saioa egin zuten Josu Zubiaren aginduetara. Gaur, Bergara K.E. taldeak lehen entrenamendua egingo du, eta ostegunean UDAko mutilek ere lehen lan saioa burutuko dute.

Mondrako jokalariek denboraldi-aurrea hasi zuten atzo, igoera lortu ondoren merezitako oporrak igaro ondoren. Sei aurpegi berri izango ditu Arrasateko taldeak aurten, maila berriari aurre egiteko. Liga irailaren 11an hasiko dute, eta ordurako prest egon nahi dute.

Lagunartekori dagokionez, Mondrak zapatuan bertan egingo du estreinaldia CF Deusturen aurka, Zubietan. Abuztuaren 27an, Mojategin jokatuko dute CF Mundarro taldearen aurka, eta 31an, Elgoibarren kontra oraindik zehaztu gabe dagoen futbol zelaian.

Irailaren 3an Villa Arrasate txapelketa jokatuko dute Mojategin. Hiruko txapelketa izango da, eta Mondrak Amaika Bat eta UDA izango ditu aurkari.

 

 

Erlazionatuak

Gotzon Urzelairen Aloña Mendi hasi da denboraldi-aurrea prestatzen

Oñati

Debagoieneko futbol talde gehienak abuztu erdian hasiko dira denboraldia prestatzen. Aloña Mendik, baina, uztailean hainbat saio egingo ditu...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.